Pintor ng Buhay

Song Lyrics

PINTOR NG BUHAY
by Jonathan Delgado

1
Sa isang silid na maagiw at madilim,
Mamamalas ang isang papel na marumi
Hanggang sa matunghayan ng isang dakilang kamay,
Binigyang pansin at kanyang ginalaw.

Pre-chorus
Nilinis ito at pinagpagan, inihandang mainam,
Nilagyan ng kulay at nagkabuhay,
Ngayo'y makikita ang tunay na kagandahan.

Chorus
Ang kamay na ito ay kay Hesus,
S’ya ang dakilang Pintor,
Ang papel na ito ay ako,
Si Hesus ang dakilang Pintor ng buhay ko.

2
Ang papel na ito ay sadyang wala nang halaga,
Kung pagmamasdan mo ba’y gusot at kupas na,
Mabuti na lamang at natagpuan,
Ng isang makapangyarihang kamay.